jolaserako materialak

Hemen jartzen dizuet nik burututako bideo bat; klaseko jardueretako bat izanda " jarduerak" izeneko orrian daukazue. Hala eta guztiz ere, egokia iruditzen zait hausnarketa gisa erabiltzea. Jolaserako dauzkagun material desberdinen ingurukoa da.
 Jakin badakigu jolasak zer nolako garrantzia duen umearen garapenean; hori dela eta ongi aukeratu behar dira erabiltzen ditugun materialak. Etxean milaka jostailu izaten ditugu, eta sarritan umeek berdintsuenekin jolasten dute. Materiala askotarikoa izatea garrantzitsua dela iruditzen zait; batez ere haurrak txikiak direnean.
Hor usten dizuet bideoa, gustatzea espero dut.

               

errua nori......irakasleari!

Oraingoan ere, internetetik aurkitutako komiki batekin natorkizue. 40 urte bitartetan hezkuntzak zer nolako aldaketak jaso dituen ikusteko, horietako bat eta oso garrantzitsua gurasoen jarrera dugu. Bai gaur, zein orain dela 40 urte, gurasoek onena nahi zuten euren seme alabentzako; hori ukaezina da.
  Baina, irakasle baten lana kuestionatzea, hori non ikusi da? Irudi hau parodia nat da, baina gaur egungo egoera islatzen duela iruditzen zait. Lehen haurrek nota txarrak edo merezitako zigorra jasotzen bazuten, ez zen profesionalaren lana zalantzatan jartzen. Orain aldiz, zergatik egiten dugu hori?
 
  Kalera joan eta honelako komentarioak etengabe entzuten ditugu: " eske irakasleak nire semeari mania dio" " hizkuntzakoak suspenditu dio inolako arrazoirik gabe" " nire semeak esaten du matematikakoak ez duela klasea ondo ematen ez dakielako ezer".....Ziur nago horrelakoak eta gehiago entzun izan dituzuela.
Egia esans behar badut, denbora gutxi barru irakasle izango naizen heinean, ez ditut horrelako jarrerak ulertzen. Irakaslea bai orain dela 40 urte zein gaur egun, bere lana egiten ari den profesionala da.
   Titulazio batekin, eta haurrak hezitzeko gai izango dena. Ez dakit zergatik jartzen ditugu euren gaitasunak zalantzatan. Inori ez zaigu gustatzen gure eguneroko lanaren inguruko kritikak jasotzea. Baina irakasleek behin eta berriz jaso behar dituzte; gurasoen aldetik edo eta gizartearen aldetik ere.
 Gaur egun, nire ustez oso gutxi baloratua dago irakaslearen lanbidea; eta are gehiago, haur hezkuntzako irakaslea. Askorentzat umeek ez dute ezer egiten eskolan, margoztu eta jolasteaz aparte. Guztiz oker. Haur Hezkuntzako etapa, umearen garapenean etaparik garrantzitsuena izanez, funtsezkoa da.
  Irakasleak profesionalak dira, eta eskolan gertatzen den guztiaren errudun ezin ditzakegu egin. Egia da norbere seme alabez hitz egiten ari garela; baina ireki ditzagun begiak eta ohar gaitezen eurak gehienetan interesatzen zaiena kontatuko digutela; egia osoaren parte bat baino ez:

irakurketarekin jarraituz....

Irakurketa lantzearen kontuarekin gaudela, hemen uste dizuet webgune interesgarri bat. Bertan umeentzako ipuin desberdinak aurki genitzake; ipuin tradizionaletatik gaur egungo ipuin modernoagoetatik pasatuz.
Baliabide polita da, umeak irakurzten duen bitartean, multimedia baliabideak ere erabiltzen ikasiko du. Guraso eta haurrek elkarrekin egin dezaketen ekintza bat bilakatu daiteke.

Sakatu ezazue hemen eta zuzeznean helbidera joango zarete.

Irakurtzen ari naiz

Idazketa eta irakurketa, umeak ikasi beharreko ezinbesteko bi gaitasunak ditugu. Hala ere, printzipioz Lehen Hezkuntzako etapan garatzen badira, haur hezkuntzatik jada, hasi egiten dira haurrak. Nahiz eta etapa horretako ardura ez izan, guraso guztiek "nahi" izaten dute euren seme alabek ahalik eta azkarren idazten eta irakurzten ikastea, euren garapen ebolutiboan bortxatzen ditugula konturatu barik.
 Gero eta zentro gehiago dira, Haur Hezkuntzako etapa honetan umeak idazketa eta irakurketara bultzatzen dituztenak. Horretarako hainbat ekintza eta jarduera desberdin daudelarik. Umeak jolas moduan hartu beharko ditu ekintza hauek, horretarako irakasleak ikasleari motibagarriak zaizkion jarduerak planteatuko dizkio.
 hemen idazketa eta irakurketa lantzeko metodoaren inguruko dokumentu bat usten dizuet, benetan interesgarria dela iruditzen zait. Beryan umearekin Haur Hezkuntzako etapa honetan lantzeko zenbait jarduera azaltzen zaizkigu. Irakasle izango garen heinean, aprobetxagarriak izan daitezkeelakoan nago. Lectoescritura en educación infantil

dana da teknologia?

  Sarean honako komiki hau aurkitu izan dut, eta zuekin konpartitzea merezi duelakoan nago. Oso hitz gutxitan, asko esaten duena alegia. Espero dut zuen gustukoa izatea.

  

Ipuinak ordenagailuan....

Asteburuan 3 urteko loba etxean nuela, ipuin bat kontatzeko esan zidan. Burura etorri zitzaidan, formatu berri batean kontatzea ipuina. Habian dauzkagun teknologiak aprobetxatuz ordenagailuan kontatu nion ipuina. Baina ez edozein ipuin. Jardueretarako burutu behar izan dugun movie maker bidez nik  egindako ipuina alegia.
Oso erraz identifikatu zuen, izan ere berea den liburutik atera nuen nire bertsioa. Ez dakizue zer nolako aurpegia jarri zuen, irribarrrea aurpegi osoan zehar zeukan. " izeko hori nire ipuina da!" errepikatzen zidan behin eta berriz.
  Formatu berri honekin, mundu berri bat deskubritu zuen umeak. Etengabe ari zitzaidan ordenagailuan beste ipuin bat jartzeko eskatzen. Honekin, esan nahi dudana, orain aukerak dauzkagula ateak zabaldu behar ditugula, eta teknologia berriei askotan ematen ez diegun aukera hori eskaintzea. Ez dut esaten ipuin tradizionalak alde batera utzi behar direnik; baina noizean behin horrelako " aldaketaren" bat egitea ondo legoke.
Hemen usten dizuet, lobari hainbeste gustatzen zaio ipuina, zenbakiak lantzeko aproposa.

                 

If you are happy and you know...!

If you are happy and you know....! Haurrentzako abesti ezagun baten letraren aurrean gaude. Antza, ingeles hutsean dagoen abesti hau, egun haurtzandegi eleanitzetan, gehien erabiltzen duten haur kanta dugu. Artikulu batean irakurritakoaren arabera, abesti honek estimulatu egiten ditu haurrak txikitatik. Hasiera batean helburua, haurrek txaloak jo ditzaten omen da; behin hori jakinda eta nagusitzen doazen heinean, abestiaren bidez sentimendu, emozio desberdinak lantzeko egokia dela aipatzen dute adituek.
Kuriosoa iruditu zait artikulua, zuekin konpartitzea bururatu zaidalarik. Hemen usten dizuet abestia, haur talde nagusitxoago batek abestuta.

                       

Agur Arangoiti!

Egunkaria irakurtzen nengoela, bapatean orrialdez aldatu eta guztiz ezaguna egin zitzaidan eraikin baten inguruko albistea ikusi nuen. Protagonista nagusiena, Arangoitiko fakultatea zen. ( Linkan sakatuz gero, erreportagea ikusteko aukera daukazue).
Bi urtez gure etxea izan den eraikin hori alegia. Ea zer kontatzen zen interesa piztu zitzaidan. Bi urte luze izan dira berton, egunero 300 eskilara inguru igoaz, pasabidetatik ibiliz eta irakasgai desberdin ugari aurrera atera nahien. Niretzako bi urte izan dira, baina ezin dut imajinatu zentroko langileentzako, fakultatea utzi eta Leioara joatea suposatuko zuena. Aldaketa batetik, baina añorantza nagusi ziurrenik.

  Hainbeste momentu on eta txarrak ere, eman dizkigun eraikin horri, ez zaio askorik geratzen antza denez. Aurten bere 50.urteaurrena beteko zuen, baina ez da posible izango. Izan ere,kurtso hau bukatu baino lehen erainkina bota eta bertan 180 etxebizitza egingo dituzte.
  Irailean ustu zen Arangoiti, bertako ikasle irakasle eta material gehiena Leioara eraman zutelarik. Oraindik ere bertan, egun baliagarria suertatuko zen material ugari omen dago izkinetatik. Denbora faltagatik dena ezin izan baitzuten eraman.

  Handik igaro garen guztiok falta botaku dugu ziur. Autopistatik pasatu gorantz begiratu....eta eraikinik ikusten ez dugunean.... AGUR ARANGOITI!

Hezkuntza esanguratsua izan behar da!

Sarritan ohituta gaude dena eginda eman diezaguten, eguneroko bizitzan askotan gertatzen da egoera hau. Eskoletan ere horrelaxe da, betidanik teoria bat planteatu izan da. irakasleak ikasleak baino gehiago daki, hori dela eta honek irakatsi egin behar dio ikasleari.
Baina zorionez gauzak aldatzen doazela dirudi, gaur egun habian jarri izan zaigu konstruktibismoa, haurrak bere kabuz ikasi behar du alegia. Dauzkan aurretiazko ezagutzak oinarri hartuta, pixkanaka gai izango da eduki, jarduera edo dena delakoak aurrera ateratzeko.
Bideo hau aurkitu izan dut eta norberak bere buruarekiko hausnarketa egiteko balio duelakoan nago. Irakasleak dena "eginda" emanez gero, haurrak hori kopiatu egiten du, baina ez da gai izaten bere kabuz lortzeko. Askotan zeozer egiteko gai ez garela uste dugu, benetan horren aurrean jarri eta lortzen dugun arte.
Gauzak ez dira lehenengoan ateratzen, sarritan bigarren eta hirugarrenean ere ez....baina ekinez eta saiatuz helburuak lortzen dira.
  Heziketa esanguratsua izan behar delakoan nago, umeek helburu eta testuinguru jakin batean ikasi beharko dute. geure burua da guztiaren oinarri, norberak bere buruan konfidantza izaten ikasi beharko du.

                                               EZINA EKINEZ EGINA!!!!

                         

Materiala euskaraz ere badugu

  Askotan ez dugu jakiten zer nolako materiala izan daitekeen egoki umeekin lantzeko. Ipuin bat erosi nahi, eta dauden guztietatik ez dakigu zein hautatu. Horretaz aparte, sarritan gure hizkuntza den euskararekin ere antzeko zeozer gertatzen da. Material gutxi omen dago euskaraz, eta gehienetan, bai liburu, jolas edo eta bestelakoak, gazteleraz erosten ditugu. Hemen usten dizuet, umeentzako euskara utzean dagoen material guztiaren gida bat. Bertan euskaraz egindako argitalpen desberdinak, bideoak, jolasak...agertzen zaizkizue.
Erabilgarria izango zaizuelakoan...
EUSKARAZKO PRODUKTUEN GIDA 07-08

Ziur irtenbide egokia dela?

Krisia dela eta, entzun izan duzue azkenengoa? Jakina dugu hezkuntza arloan mozketak egongo direla, hori dagoeneko ez da gauza berria guretzat. Baina aste honetan komunikabide guztietan agertutako albisteaz zer deritzozue?
 Batetik, egoera latz hau gainditzeko ez da kontratazio berririk egingo, eta 10 egunetatik beherako bajak, ikastetxean bertan dagoen langileriarekin ordezkatu beharko dira. Dagoeneko hau gutxi balitz, orain umeen matrikulazioa kopuruak igo egingo direla aipatu izan dute. Ikasgela bakoitzean 30-35 ume izatera helduko direlarik.
 Subreaalista. Orain 25 ume inguru daude ( HHn eta pribatuetan, publikoetako zifrak ez dira horretara iristen) eta askok zifra horiek entzusten dituztenean, kexu izaten dira gehiegizkoa dela irakasle bakarrarentzat. Ezinezkoa da 35 ume dituen gela bat pertsona bakarrak eramatea. Eta are gutxiago Haur Hezkuntzako etapan. Umeek garai honetan etengabeko arreta behar dute. Irakalse batek bi begi baino ez ditu, nola da posible une berean, espazio berean horrenbesteko haur egoki zaindu ahal izatea?
Nik egia esan ez dakit nortzuk egiten ditzuten lege, edo eta " irtenbide" posible hauek. ( izen bat ematearren....), ziur eskoletan buru belarri dauden adituak ez direla. Oso erreza da bulego batean eserita egon eta ez dakiot nik zer nolako proposamen eta irtenbideak bilatzea. Gero guztien aurrean esan...eta danak txunditurik!
Baina mesedez, ireki ditzagun begiak! horrela krisitik irtetzea ez dakit lortuko dugun...baina hezkuntza sistemarekin bukatuko dugula ziur!

Albistea argitaratu eta denbora gutxira sare sozial guztietatik eskegita zegoen argazki hau. Era barregarri batean, primeran azlatzen du egoera; horrela eman beharko badira klaseak......

Tratu txarrak EEBBtan

Oraindik ere ezin dut sinetsi. Goizean egunkaria zabaldu eta holako albiste bat ikusi dudanean, nire begiek ezin zuten sinetsi, oraindik ere horrelako gauzak gertatzea...
Eskolak, eta hezkuntzaren inguruan milaka berri ateratzen dira egunero; mozketak gora, krisia bestetik,...baina oraindik ere EEBBtan gertatutako gauzak gertatzea, gogorra da. Ez dakigiu zer nolako panorama dagoen, mundutik zehar.

 Kontua da EEBB-tako eskola berezi batean ( premia bereziak dituzten haurrentzako eskola), umeen arreta jasotzeko deskarga elektrikoak erabiltzen dituztela. Bai, ondo irakurri duzue, enaiz erratu, deskarga elektrikoak bai. Oraingo honetan, zauritua, autismoa duen gazte bat izan da, lasai bere mahaian eserita zegoela, begiraleek   ( nik beste era batera deituko nituzke egia esan behar badut), bizkarrean deskarga bat eman, gaztea lurrean seko utzi dutelarik.

 Eta horren arrazoia? Gazteak jaka jantzita zuelako, eta oraindik ere kendu ez zuelako.
Baina bai, oraindik gauzak okerrera egin dezake. Zentroko arduradunak, ez diote zaurituari galdetu ere egin, zergatik zuen jaka jantzita. Zuzenean deskarga ematera abiatu dira.
Gauza okerrera egingo zuela esan dut...eta hala! Zentro berezi horretan gazteak lotuta izaten dituzte, ikasgelaren erdian eskuetatik lotu; eta bitartean inguruan guztiak begira.
hau al da dozentzia? Baina zer nolako gizartean bizi gara? Pertsona horiek adituak dira? Noren esku usten ditugu gure haurrak? Gaur egun "modan edo" dago dena zalatzeko; horrelako gauzak ez dira zalatzen?
Benetan albistea irakurri eta gainera bideoa ikusi dudanean, amorruz bete zait gorputza. Ez dakit nola liteke posible horrelako jendea, hezkuntzan aritzea. Zer gertatzen da, gazte horietako bat, euren seme-alabak izango balira?
Horrenbesteko hipokresiarekin benetan ezin dudala! Mesedez, tratu txar horiekin bukatu beharra dago!!
hemen usten dizuet albiste osoa irakurtzeko linka.

Munduan barrena!

" Maite zaitut, maite maite zaitut, pila pila pila patata tortila..."

Guztioi ezaguna zaigu dagoeenko abesti hau. Nork ez du entzun edo eta abestu, pailazo hauek asmatutako abesti hau? Famatua egin izan zaigu; bai bera eta baita bere sortzaileak ere; pirritx eta porrotx pailazo jatorrak. Euskal Herrian hasi eta dagoeneko mundu osoan ezagunak egin izan dira. Milaka proiektu burutu izan dituzte mundutik barrena, euren musika eta batez ere irria barreiatuz. Hori horrela,Maite zaitut abestia, hizkuntza desberdinetara itzulia izan da: catalanera, arabiarrera....

  Euskal herrian hasitako pailazo hauek mugak hautsi eta euren tokia egin dute munduan barrena!

klaseak horrela eman beharko ditugu?

Botaiozue begirada bat argazkiari....niri gustatu izan zait. Azken batean gaur egun umeek bizi duten egoeraren inguruko parodia bat dela esan genezake. Gero eta telebista gehiago ikusten dute haurrek, beste edozertarako denborarrik gabe.
Agian argazkian planteatzen dena egokia, edo eta beharrezkoa izan liteke etorkizun batean klaseak emateko..
Agian gu, laster barru irakalse bihurtuko garen horiek, horrelako sistemaren bat erabili beharko dugu umeek arretaz eta formal egon daitezen! Nork daki....

Haurrak haur!!

Gaur egun umeen denbora libreaz ari garenean, askori gauza berdina datorkigu burura. Gero eta denbora libre gutxiago izaten dute haurrek. Batteik eskolan igarotzen dituzten orduak, ez dira gutxi. Baina horiei oraindik ere, arratsaldeetako bestelako klaseak gehitu behar zaizkie: astelehenean ingelesa, asteartean musika, asteazkenean balleta, ostegunean.....Astebete, bi aste....eta horrela kurtso osoa.! Txikitatik betetzen ditugu euren ordutegiak. Euren onura edo kalterako...hori eztabaidagarria da.
 Askorentzako hezkuntza prozesuan ezinbestekoak direlako izango da, beste askok ordea; lan kontuak direla eta umeak non utzi ez daukatelako.
  Oraindik gaur egungo haur edo gazte baten ordutegia ez da bukatu, ez pentsa, oraindik etxera iritsi eta hurrengo egunerako etxeko lanak egin beharko ditu. Azken liburua izten duenerako, gaua da, afaria eta ohera. Bukatu da eguna: Hurrengoa ez pentsa hobea izango dela, monotonia berdinean eroriko da.
 Haurrek haur izaten ikasi behar dute, horretarako haur baten gauzak egin behar dituztelarik. Haurrak jolastu behar du, umeekin harremandu, gogoko dituen bestelako ekintza edo eta jarduerak burutu....DISFRUTATU azken batean!
   Gauza guztietarako dago denbora. Ziur nago 5 urterekin, agian ez dela beharrezkoa umeak ingeleseko klase partikularretara joan dadin. ( adibide bat jartzearren), denbora izango du ingelesa eta bestelakoak ikasteko.
Denborak korrika egiten duela esaten dugu sarritan, baina askotan gu gara horren errudun bakarrak.

  HAURRAK HAUR IZAN BEHAR DU!

Bizimodua erraztu, ziur gaude?

Teknologia berriak, hasiera batean, bizimodua errazteko sortuak izan direla esan genezake. Gaur egun, edozein aparailurekin, beste edozer gauza egin daitekela dirudi?
Ziur gaude, berrikuntza guzti hauek erraztasuna ekarri digutela?
Komikiko pertsonaia ez dago horren seguru...

etengabe berrizten...

 Unitate didaktikoak gora, unitate didaktikoak behera....hiru urtetan zehar hainbat eta hainbat unitate desberdin egin behar izan ditugu. Hasieran, zailtasunak geneuzkan, ez dut zalantzatan jartzen; gaur egun ia sistematikoki egiteko kapazak garela iruditzen zait. Irakasle bat, unitateak egitera ohitua egon beharko litzatekeela iruditzen zait; nahiz eta errealitatean gauzak desberdinak izan. Normalean argitaletxeek egiten dute lan guztia, eta erosotasun batean erortzen gara.
 Monotonia batean ez erortzeko, irakasleak bere baitan ere hainbat berrikuntza egin beharko lituzkeela iruditzen zait. Errazena, liburu bat hartzea eta bertan datorren planifikazioa jarraitzea da, errazena bai, egokiena ez.
  Dokumentu honetan, unitateak eta sekuentzia didaktikoak burutzeko zenbait ideia eta jarduera desberdin agertzen zaizkigu. Interesgarria dela irudiditzen zait, besteen ideiak hartu eta horiekin guk geuk gauza berriak sortu ahal izateko.
ikas sekuentziarako materialak

Irakurtzen ikasten!!

Ikagelan behin eta berriz mintzatu izan gara irakurketaren garrantziaz, eta irakurzaletasun hori bultzatzeko jarduera desberdinez. Txikitatik ohitu behar ditugu umeak irakurztera, onuragarria da hasieratik liburuak esku artean izan ditzaten.
Horretaz aparte, ikasi izan dugu umeek, hasiera batean gurasoen rol desberdinak imitatu egiten dituztela. Baita irakurketaren jardueran ere bai.
Pixkanaka konturatzen hasten dira, idatzizko eta ahozko testuen artean harreman bat egon badagoela; hau da testu horretan idatziz jartzen duena, ahoz esatea.
Bideo honetan ideia hori era batean, garatu egiten da. Bertan haur txikitxo bat agertzen da, eskuartean testu bat duelarik, irakurzten duenarena eginez....Benetan bideo barregarria.

Zu ere kazetari!!!!

Idaztea gogoko duzu? Etorkizun batean kazetaria izan nahiko zenuke? Mundu horretan sartu nahi duzu eta ez duzu aukera ikusten?
Orain daukazu aukera paregabea zure lehendabiziko erreportagea egiteko!
 El Correo egunkariak, Athletic fundazioaren laguntzaz, Kirol erredakzioaren inguruko II.txapelketa antolatu izan du. Pasadan urtea izan zen horrelako txapelketa bat antolatzen zen lehendabiziko urtea. Izandako arrakasta eta erantzunengatik, aurten ere gazteenentzako zuzenduta dagoen txapelketa hau martxan jartzea erabaki izan dute.
  Kirola gustuko baduzu...oraingoa da zure aukera! Erraza da....kirolaren edo eta kirol munduaren inguruko erreportage bat aurkeztu beharra dago apirilaren 7a baino lehen. Hori bai, errepotage on bat bezalaxe...ezin ahazt ditzakegu argazkiak! Beraz hartu zure kamera, argazki batzuk atera, eta jarri zaitez idazten!!!

   Erreportagerik onenak,  egunkarian argitaratuko dira.
 Animatu zaitez, zuen artean etorkizuneko kazetariak izango ditugu eta!!

Kolorez inguratuta!!!

"Horiak, grisak beltzak,gorriak fukziak

janzten dituzte gure begi biluziak

batzuk politak dira

batzuk itsusiak

baina beharrezkoak kolore guztiak"

 Zein garrantzitsuak diren koloreak gure bizitzan!!! Oraingo honetan, umeek abesti baten bidez ikasi ditzakete koloreak, bideon honetan agertzen zaigun bezalaxe; gainera abestia ikasteaz aparte; koreografia txiki bat ere lantzeko aukera dago.

  Hala ere guztiz ere, bideo honetatik gehien gustatu zaidana ez da hau, baizik eta gorrak diren umeek ere, abestia ikasteko aukera berdina dutela. Bideoan, gorrrentzako itzulpena agertzen baita. Gutxitan aurkizten dugu premia bereziak dituzten haurrentzako materiala egokitu; gutxi dagoela iruditzen zait. Beraz daukaguna aprobetxatu beharra dago!!

Eskola aukeratzearen garrantzia...

 Askotan ez gara konturatzen zer nolako garrantzia daukan Haur Hezkuntzako etapak gure umeengan. Askok eta askok uste dute Haur Hezkuntzako etapa hau, " jolasaren" etapa dela, eta umeak eskolan hori egiten duela soilik.
  Baina gauzak ez dira horrela, berebiziko etapa dugu umearentzat. Jolasteaz aparte, umeek iaksi ere egiten dute. Noski, ikasi hitzaren inguruan dugun kontzeptu hori zabaldu beharko genuke; euren gaitasunak garatzen dituzte, besteekin harremantzen hasten dira...azken batean sozializazio prozesu bateanm dago sartuta haurra.

  Etaparen garrantziaz, aukeratzen dugun eskolak ere zerikusi handia dauka. Gurasoak argi izan behar dute nora bidaltzen duten haurra, eta batez ere horren zergatia. Hemen behean bideo bat jartzen dizuet, beste ikasgai batetan jarri izan diguten bideoa dugu, gutxi gora behera aurretik laburki azaldu dizuedan gaiak jorratzen ditu. Niri benetan oso interesgarria iruditu zitzaidan.

      

Erreforma guztion ahotan berriz ere

Behin eta berriz guztion ahotan dagoen gaia dugu hezkuntzaren erreformaren ingurukoa. Urte batzuk dauzka dagoeneko marrazki honek, hala ere badirudi gaurko garaietan ere "modan" egon daitekeela.Irudiak kritika egiten dio hezkuntza erreformari, bai ezarri nahi dena, eta baita ere orainarte egondakoei.  
  Erdarazko esaldi batek esaten duenez..."una imagen vale mas que mil palabras"

Teknologiak beti soinean....

 Ohikoa zaigu gaur egun biz garen gizarte honetan, teknologiek etengabeko aurrera pausoak ematea. Hasieran mugikorrak, gero portatilak; zergatik ez portatil bat bezala funtzionatzen zuen mugikorra, sare soziala.....behin eta berriz merkatura gauza berriak plazaratzen zaizkigu.
  Guzti hau gutxi balitz, orain teknologia guzti hori soinean eramateko aukera agertu da. Bai bai ondo irakurri duzue, soinean eraman. Izan ere enpresa bat jada horretan ari da lanean. Arropa eta teknologiaren merkatua fusionatu nahian, izerditako interaktibo bat sortu omen dute. " sudadera inteligente" izenaz bataiatu dutena.
  honela erabiltzaileak, edozein unetan,  besoan zehar mugikorreko edukiak edo eta twitter bidez sare sozialetan komentarioak usteko aukera izango da.
Beharrezkoa zaigu teknologiarekiko horrenbesteko dependentzia izatea? Egia esan, nik ez dut horrela ikusten. Merkatu eta salmenten kontua baino ez dela iruditzen zait. Orain ere, zoritxarrez edo zorionez, inolako sudadera intelektualik gabe gehiengoak egoten gara internetera konektatuta mugikorraren bidez; lehen emailak etxera heltzean irakurzten genituen; orain aldiz uneoro sartzen gaude; badezpada ere....
Berria irakurri nuenean, benetan barregura eman zidan; horrela jarraituz ez dakit nora iritsiko garen....
 

Adimen Handiko Haurren inguruko hitzaldia.....

 Asteazken honetan, martxoaren 21 ean alegia, gure fakultatean " Adimen Handiko Haur"-en inguruko hitzaldi bat antolaturik dago eguerdiko 12:00tan.  Gaia benetan interesgarria dela iruditzen zait; askotan honelako haur bat klasean izatearen inguruan eztabaida eta tirabira ugari entzun izan dira. Batez haurraren garapenaren ingurukoak alegia; haur horrek besteen materia berdina jorratuko badu, beste maila batzuetara pasatzen bada, bere garapenena ez zailtzeko nola jokatu....besteak beste.
 Iruditzen zait, oraindik ere honen inguruan gauza asko ez dakizkigula. Bestelako premia bereziak tratatu eta lantzen ditugun heinean, horrelako ume batekin nola jokatu jakin beharko genuke baita.
Asteazken honetan beraz, honen inguruan gehiago jakiteko aukera eman izan zaigu. Ez galdu aukera!

* Honekin batera jardueretan erabilitako dokumentu bat usten dizuet, Adimen Handiko Haurren ingurukoa alegia. Hitzaldira joan baino lehen begirada bat bota iezaiozuen... Gaitasun handiko haurrak ikasgelan - Alumnos/as con altas capacidades en el aula. Folleto elaborado por FANJAC

Eurak bai kontrolatzen dutela......

Internetetik "trasteatzen" honako argazki hau ikusi eta zuekin konpartitu behar nuela iruditu zait. Umeak teknologia berriei txikitatik lotuta doazela ematen du....Orain zalantza sortzen zait: euren erabilpena nork-nori erakutsi beharko lioke?

Margozteko beste era bat...

Ume asko sarritan ibiltzen dira, eskuan koloretako margoak dituztela, inguruko edozer marraztu nahian. Normalean gogoko izaten dute marraztea, eta paper txuria kolore ugariz betetzea.
Betiko sistema tradizionala pixkat alde batera utziz, orrialde honetan umeek nahi beste marrazki margozteko aukera daukate. Aipatu beharra daukat, aukera ezinobea dela, batetik umeek gustoko dutena egiteko, eta bestetik teknologia berriekin harremanetan jartzeko.
 Bisita ezazue, ea gustuko duzuen!

Pipi berriro gure artean....

  Bere lehen agerpenatik 70 urte baino gehiago igaro badira ere oraindik denon buruetan dagoen pertsonaia dugu. Horrela askok ez duzue zertaz ari naizen jakingo. Baina aldiz; "pequeño Tio", " Tommy eta Annika" edo eta " señor Nelson" hitzak entzunda, ziur nago denoi burura etorri zaizuela zertaz ari naizen. Bai Pipi kaltzaluzehain zuzen ere.
  70 urte badira pertsonaia sortu eta lehendabiziko liburua argitaratu zenetik. Horren ondoren, ehundaka argitalpen gehiago eta horrenbeste telebistako film egin izan dira pertsonaia honen inguruan.
Umeek benetan gustuko zuten Pipi. Neskatila alaia, indartsua eta bere komeriekin edonor engantzatzeko modukoa.

 Garai batekoa edo bestekoa izan, uste dut guztiok Pipi Kaltzaluze ezagutzeko aukera izan dugula iruditzen zait. Bai liburua irakurri dugulako, edo eta larunbat goizeetan telebistan ematen zuten telesaia ikusten genuelako.

 











 Orain, berriz ere perstonaia hau gure bizitzetara sartzekotan dabil. Eta Haurren batek Pipi ezagutzen ez badu, berriz ere ezagutzeko aukera sortuko zaio. Izan ere, bere abentura guztiak biltzen dituen liburu bat argitaratu berri da "Pipi Calzaslargas: todas las historias" izenburupean. ( egunkariko artikuluan zehaztasun gehiago)
  Aukera ona guraso eta umeen arteko elkartruke hori emateko. Izan ere gaur egun guraso diren askok bizi izango zituzten esperientzia ezinobeak haur barregarri honekin; oraingoan euren seme-alabek daukate horren aukera.

 Badirudi ipuin eta pertsonaia tradizionalak ez direla inoiz modaz kentzen!

Edozein ikasgai Haur Hezkuntzan

Natur zientziak txikitatik erakuts daitezkeen zientziak direla uste dut. Askotan uste dugu, Haur Hezkuntzan ezinezkoa dela horrelako ikasgairik lantzea, batez ere haurren adin honetan duten gaitasuna nahiko murritza delako. Egia esan behar badut, hau ez da guztiz egia, bai natur zientziak zein beste edozein ikasgai inolako arazo barik lan daitezkeela iruditzen zait.
Horretarako zer egin behar digu? Oso erraza da. Ikasgai horiek egokitu eta haurren baldintzetara moldatu. Era horretan umeek ikasgai eta arlo desberdinak ikasteko aukera izango dute.
Noski ikasgaiak ez dira gu ohituta gauden bezala izango, hori argi eta garbi. Baina pentsakera aldetik aldaketa bat eman behar dela iruditzen zait. Beti oentsatzen dugu ume txikiek txokoetan aritzeaz aparte ezer gutxi egiten dutela, eta horretaz aparte, psikomotrizitate, mintzamena edo horrelako ikasgaiez aparte, ezinezkoa dutela beste ezer lantzea.
Zergatik ez da posible izango Haur Hezkuntzako etapan uraren zikloa azaltzea? edo eta zenbait fenomeno metereologiko? Dena da posible, eurei egokituz eta modu dibertigarrian azalduz. Agian kontzeptu askorekin ez dira geratuko, baina behintzat ezagutzak pixkanaka barneratzen joaten dira.

  Hor behean guzti honen adibide bat daukazue, nola Haur Hezkuntzan uraren inguruan aritu ahal den. Bideo horretan uraren garrantzia azaltzen zaie haurrei, baina ikuspuntu dibertigarri batean. Marrazki bizidunekin, eurentzako egokitutako film bat bailitz bezala.

 Gu irakasleak izango garen heinean, gure esku dago horrelako egokitzapenak egitea.